contact@gotvimesofico.mk

19
јун

Рижото Миланезе

Денес ви го откривам рецептот за најтрадиционалното италијанско рижото… Кога се работи за врвни јадења, најчесто станува збор за едноставни рецепти за кои е потребна вештина во спремање.

За било кое рижото и да го правите најбитна ви е сортата на ориз која ја користите, рижото се спрема само од две сорти на ориз, Арборио и Карнароли. Италијаните ја претпочитаат Карнароли сортата. Не е грешка доколку користите Арборио, али коа бев на обука ме научија дека Арбоирио се користи во ситуации кога оди како прилог со риба или некое месо. Додека кога станува збор за класично рижото (како индивидуално јадење) тие секогаш внимаваат да користат Карнароли.

Па така во овој рецепт јас користам Карнароли ориз (се наоѓа по деликатесни продавници).

Многу ситно ќе исецкате ½ главица кромид и 1 чешне лук. Ќе измерите 100гр сув ориз (една порција), ќе го измешате со лукот и кромидот и ќе го ставите во загреано тенџерче со 20гр путер и 3 лажици ладно цедено маслиново масло. Пропржете го додека не почне да ослободува мирис, потоа додадете 30мл бело пенливо вино (Италијаните користат Просеко). Промешајте да испари алкохолот.FIC_0672Растворете вегетаријанска коцка за супа во 400мл вода и дополнете ја со 0,125гр шафран. Шафранот е најскапиот зачин во светот па затоа оригиналниот шафран е спакуван во пакувања помали од еден грам, во овој рецепт јас користам мелен шафран, додека на крајот декорирам со цели толчници од шафран. Шафранот е многи корисен за конзумирање, кога ќе го растворите мелениот шафран цела кујна ќе ви замириса на цвеќиња.FIC_0671Мешајќи со кутлача додавате (една по една) од бујонот во оризот. Цело време мешајте за подобро да се ослободи скорбот од оризот.

Добро зготвено рижото мора да биде кремаво, меѓутоа треба да има и структура!

За да го направите Ал Денте како што треба да излезе, ќе морате да пробувате додека готвите. Секој што сака да зготви перфектно јадење мора да пробува во процесот на готвење. Само така можете да го штелувате рецептот.FIC_0679Повторете ја постапката со бујонот 2-3 пати.

Откако ќе биде ал денте зготвено, тргнете од рингла, додадете 35гр рендан пармезан и мешајте да се спои. Пармезанот ќе допринесе за кремастата структура и ќе се надополни во вкусот. Сол и бибер не додавате. Биберот се коси со шафранот, а сол имате во путерот, во бујонот и во пармезанот. Виното служи како инфузија и појачувач на вкусот.FIC_0675Сервирајте по желба, јас сервирав во округла модла и декорирав со толчници шафран.FIC_0707Овој рецепт можете да го јадете по најдобрите ресторани во светот, а сега можете да го зготвите и дома! 😉FIC_0693

Остави коментар